明报OL：隐形战队｜江美仪1场戏换5个情绪 被非"人话"对白考起
TVB剧集《隐形战队》昨晚（13日）一集剧情讲述邢风（刘颖镟饰）与Madam Q（唐诗咏饰）成为"活人狩猎"受害者并同告受伤，身处指挥中心的Madam Fong（江美仪饰）因担心女儿邢风大为紧张，一度含泪失控大叫："白车到未？搵人答我，叫佢哋尽快！"不过，Madam Fong为顾全大局迅即回复冷静并一口气发号施令，之后急步前往停车场欲奔往医院看爱女，惜因为未能开动驾驶引擎加上上司指示，只好留在指挥中心。
江美仪当刻虽已一脸哀伤，但仍专业地强忍泪水，以强悍语气回应上司，冷静数秒后抹掉泪水返回岗位。很晚才赶往医院的Madam Fong，见爱女睡得安稳兼伤势不重，含泪检查女儿情况兼为女儿盖被，露出慈母模样。Madam Fong之后教训邢风并指其不配做警察时，邢风表现倔强，含泪反指母亲未能走出丈夫离世阴霾。
谈到昨晚一集的喊戏，江美仪指观众看时似一气呵成，其实是分几天拍摄，因此维持情绪有一定难度。她说︰"记得係拍医院嗰场先，然后再拍番车嗰场，所以要记得个情绪，同埋要连贯番成场戏嘅节奏，呢个就係难度所在。我拍停车场嗰场戏，第1、2个take係做错咗，要监制指正。嗰场戏难演，因为我好心急想去医院，但又唔可以去，要即刻收番啲眼泪上去做commander，去到医院终于可以喊出嚟。"
江美仪指拍喊戏对演员来说心理压力很大︰"监制好好，每次拍喊戏，佢都係摆第一场拍，等你个情绪唔使抑压到去最尾嗰场好攰时先拍。"她指"讲到呕泡"的对白比起喊戏更难搞︰"大家见到我啲对白比较难讲，同埋监制对镜头要求好高，可能一take过要讲晒半页纸甚至一页纸对白，啲对白又一定要好肯定咁讲出嚟，一唔够肯定就要由头嚟过，所以要好集中精神，个人好攰。我觉得呢套戏嘅考验，係要你好人性化去讲啲唔係人讲嘅嘢，跟住又要有感情又要好firm。"
