被网民嗌唱《倒转地球》！张继聪神回应话…
歌手张继聪同老婆谢安琪（Kay）育有一对仔女，一家四口生活美满！张继聪寻日（2日）喺社文网晒咗佢同Kay带囡囡去沙滩玩嘅相同片，留言："放假，要尽情！"睇到戴上西部牛仔帽嘅佢，除咗大晒舞技之外，仲表演片石，睇到好有信心咁佢拎住旧石，姿势十足咁将旧片出去，结果旧石只系片咗两下就沉咗啦，连帮佢拍片嘅Kay都忍唔住笑呀！而Kay亦有拖住囡囡喺海边玩，睇到囡囡摆晒甫士咁影相，应该玩得相当开心！
有网民就问张继聪既然玩得咁尽情，点解唔唱呢排被陶大宇唱到爆红嘅歌曲《倒转地球》？张继聪神回应话："畀自己同个地球抖吓！"网民都话"答得妙"呀！
