蔡思貝硬Sell做「星女郎」 瞓晒身泳照浴照都出齊周星馳早前公開召募電影《少林女足》的年輕女演員,吸引數以百計女星自薦追「星」,為突圍而出,視后蔡思貝今日(15日)再出奇招Hard Sell,她於社交網上載了一段長1分鐘的自製片段,片中見她遊歷世界各地苦練足球,一時大騷球技,一時又倒吊做掌上壓,向星爺「巴黎鐵塔反轉再反轉」致敬,之後連坐住艇都要用心口頂波,夠晒無厘頭。最博係佢激罕出動水着Look,一件頭純白泳衣上陣玩淋浴,大玩濕身誘惑,仲瞓埋浴缸踢水騷長腿,施展「美人計」望得星爺青睞,佢留言表示:「Dear Stephen,日子感覺過得好快,由你生日,到現在已經三個禮拜了,可能遲來,但整個旅程每一刻我也是想着你的,我走了九個城市,拜候武林各界高手,修練自己,我,準備好了。」蔡思貝自薦做「星女郎」。拍片硬Sell足球實力。說到她嘔心瀝血製作這條片,蔡思貝接受東網訪問時謂:「要大家好有耐性睇晒成條片,真係唔可以太長,我set咗1分鐘內要完成晒條片,啲網民先有耐性睇,係有啲難度嘅,但係要星爺睇到我,真係好想參與佢嘅製作,我真係好畀心機喺1分鐘入面表達到最多嘅嘢,睇到我最多嘅一面,畀佢睇到我嘅創作、創意。」思貝坦言整條片都是她一手一腳製作,由構思、剪片加音樂、字幕一腳踢,她謂:「之前星爺喺佢6月22日生日PO出招募,咁啱我就係嗰日飛英國拍節目,拍節目時間好緊密,我乜都做唔到,只好每一日諗盡方法,可能係攝影師轉機位嘅時候我就叫人幫我拎住部機拍一個Shot,之後再有空檔,可能大家食緊lunch嘅時候,我又拍少少。」思貝坦言拍節目不停要轉景點,自己已經靈魂出竅,回港時在機上自己就即剪片,不能浪貴任何時間:「返嚟香港我都冇瞓過,努力剪晒條片,我希望藉住呢條片話畀星爺知我係幾有誠意,我係幾appreciate佢。」大玩「巴黎鐵塔反轉再反轉」。大騷體能。出到海都練波。夠晒無厘頭!仲出埋泳衣Look!濕身誘惑!出浴晒長腿!出盡力望得星爺青睞。好有心思!蔡思贝
2023年7月15日 星期六
蔡思貝硬Sell做「星女郎」 瞓晒身泳照浴照都出齊 #女神
Share this interesting post:
You might also interested in:
-
最近制服地圖新增了「 班服產生器 」這個服務,簡單的說就是大家可以透過這個服務,簡單的使用上面的素材或是上傳自己設計的圖片,跟產生器的衣服結合,就可以弄出自己設計的班服了,有需求的朋友可以多多利用。 產生完的設計稿,也歡迎投稿至「 你們班服不服?輕鬆小品班服好fun 募集大賞...
-
被誉为药剂系网红的Ly Huy,常常在社交平台分享药剂方面的知识和宠物等。 View this post on Instagram A post shared by (@lyhuylau) o...
-
骨質增生太痛苦!川芎末+老陳醋,3天趕走“骨刺”疼痛! 骨質增生又叫做增生性骨關節病也是我們常說的“骨刺”,它是中老年人當中常見的一種退行性骨病,不過當今社會,有不少年輕人也開始被這種疾病折磨,為了可以更好的治療和預防骨質增生,大家有必要了解下它的症狀。 ...
-
Online entertainment bolsters cultural prosperity (China Daily) For most Chinese people, it is hard to imagine living without watching th...
-
Li Yitong poses for photo shoot Actress Li Yitong Source: Weibo
-
Tian Xiwei at brand event Actress Tian Xiwei Source: Weibo