星岛：36C沈殷怡露膊甜笑引死兵仔 直击Viu女神同斯文男连走两场庆生
有学历有身材的沈殷怡（Shirley），2020年因在节目《美女郊游游》穿性感永衣行山而弹起，播映中的旅游节目《入岛日本喇！》又有性感浸温泉场面，呢位"ViuTV女神"经常派福利，认真唔话得。
上月22日是女神的29岁牛一，声称单身的她跟圈外斯文男友人食饭庆祝，虽然未见两人有亲暱举动，但斯文男又送玫瑰又获赐跟女神于正日庆祝生日，未坐正应该机会都唔低，加油呀。撰文：本报记者
寿星女开绿灯
当晚约7点，着住黑色露肩连身裙的Shirley和着住白恤衫黑裤衬波鞋的斯文男，现身旺角快富街的咖啡馆，两人各点了冻咖啡，全程有讲有笑，不过做开主持的寿星明显多嘢讲啲，手口并用，更不时跟住现场播放的迪士尼音乐摇摆自己，仲讲到做晒V字手势放面猪旁，加埋个甜甜靓样，斯文哥应该心跳加速唔知点算好。
望多两眼，Shirley身旁仲放咗一紥玫瑰花，呢位斯文哥好识做喎。两人倾到近8点，斯文男去完洗手间后埋单离开，男方负责攞花，女方戴返口罩就跟高佢少少嘅斯文男一齐走。
从Shirley的ig可见，佢亦有贴出生日正日的庆生相，同样嘅衫及花，但场地换咗日本餐厅，并留言："谢谢你们让我把生日过成生日月。"hashtag係spoiled，睇嚟被宠坏的Shirley跟斯文男叹完啡后，再齐食日本菜庆祝。虽然两人表现未算亲密，但生日正日同斯文男仔连踩两场，明显开行绿灯畀男方力追，恭喜定Shirley先。
