星岛网：黄嘉雯求拍旅游节目想疯狂着泳衣 主持《超毛》好感性为淘汰者落泪
前港姐冠军黄嘉雯（Carmaney）跟向海岚、周奕玮主持J2节目《超级毛特儿大赛》，Carmaney由面试到选出冠军都参与其中，节目如同心血结晶，有血有泪，所以投入到会为淘汰者落泪。入行前Carmaney已想做旅游节目主持，更唔介意狂着泳装晒身材，大前提要靓。
採访：方骞平 摄影：罗安强 场地：Amelie餐厅@海运大厦
林敏骢最识货，之前在剧集《下流上车族》中钦点黄嘉雯做他的"小三"，仲要着三点式上阵，32C Big爆上围受到注目。Carmaney多谢观众支持，她认为拍剧及做主持有唔同嘅挑战，尤其《超毛》冇稿跟，要自由发挥，她较感性，提到动物生老病死都会喊。
Carmaney透过《超毛大赛》有所启发："宠物生命有限，为佢哋花啲心机，点样可以陪佢哋最多，其实宠物开心健康就够，主人唔需要教爱犬做指定动作，要考虑清楚养狗究竟想满足自己？还是单纯做个陪伴者。"好有爱心的Carmaney考获两个美容师证书，平日亲自照顾领养嘅4岁松鼠狗女，仲谂过做宠物美容及服装生意。问到有冇试过发生宠物情缘？她笑说："我就冇，试过有位太太睇中我狗女，想帮佢隻狗仔繁殖下一代，最后都冇做到。"
宠物开心健康就够
Carmaney最大心愿做到旅游节目主持："我锺意跑嚟跑去试新嘢，就算疯狂着泳衣都冇所谓，而且平日保持做运动keep fit装备自己，应付唔同工作挑战。"
