一舞倾城丨陈星妤摸下巴力证冇后天加工 全靠医美丑小鸭变天鹅
无线（TVB）新剧《一舞倾城》播出一周成为热话，昨日（20日）一众演员出席宣传活动，吸引不少市民一睹"万国城小姐"的风采。在接受访问时，提到剧集口碑不俗，陈星妤大表开心："第一次拍剧好开心部剧有好成绩，有少少受宠若惊。"在旁的蔡洁亦表示好开心。
剧中不乏大尺度的场面，其中有一幕是陈星妤被继父王俊棠摸大腿，被问到拍摄时有没有尴尬，她就表示："我拍之前都有走位都有指引，所以其实都唔会。（剧情被指教坏人，点会有阿妈叫阿囡下海？）我觉得呢个係剧情一部份，同埋我谂起嗰个年代的而且确有啲咁样嘅家庭，其实都係反映返当时嗰个年代。为咗令到剧情更加丰富，我觉得值得有咁嘅场面呈现。"又表明有家长指引的指示，认为问题不大。
提到有报导指陈星妤经常在社交网站晒名牌、出游玩乐等，忽然富贵，对此她表示那些照片是很久之前拍的，因为当时做KOL需要吸引注意而已。续提到她的模样愈来愈精緻，被质疑整容，对此她就澄清，摸摸下巴力证冇后天加工："我之前回应过冇，但係我觉得依家呢个医美每个人都有试过觉得好正常，轻微保养令到自己睇落去后生啲。同埋到我依家呢个年纪都30 （实际28岁），其实我谂10年有个改变都好正常。（网友挖出你之前旧照点睇？）嗰阵时未脱毛又未除箍牙又带住副眼镜，拍剧都有丑小鸭变天鹅。我觉得呢样嘢係关注我另一种方式，我都乐意接受嘅。"
除了陈星妤有大尺度画面外,蔡洁亦不少，其中同司徒先生（李道瑜饰）在床上激战令不少人印象深刻，被问到拍摄时尴尬吗？她就表示："其实对我嚟讲无论呢一场戏或者其他嘅戏都係咁做，我自己唔会特别去区分。呢场戏时前要做好多准备，我有同对手沟通清楚，所以佢哋好尊重我。（李道瑜事前点沟通？）佢会问我'有乜嘢我要注意'所以我觉得佢几好。"
