驚傳罹癌末醫院垂死 羅嘉良晒新照望低調生活 #女神

驚傳罹癌末醫院垂死　羅嘉良晒新照望低調生活

驚傳罹癌末醫院垂死　羅嘉良晒新照望低調生活藝人羅嘉良同內地女星蘇岩再婚後誕下女兒，依家一家三口定居北京，佢亦已經將工作重心放喺內地，上月佢更剛完成新劇煞科，加埋新劇、新戲同步見街，最近又同Angelababy、宋威龍等合作新劇《相思令》，真係忙到冇時間休息。點知忽然傳出佢係癌症末期嘅消息，更瘋傳佢喺醫院進入垂死狀態。對此，羅嘉良嬲爆發文澄清自己身體健康，請造謠者停止散布不實消息，更表示睇到「無恥的假新聞」令佢無語，佢只係想低調生活。羅嘉良發文如下：「大家好!前幾年就有媒體發表說我得了絕症，最近又有新聞講我癌症晚期，在醫院裏快要死了!搞的很多關心我的朋友和粉絲紛紛聯絡我詢問究竟!我一直是一個很低調，希望過簡單生活的人。但這些無恥的假新聞非要搞到我站出來面對這些荒誕的謠言，實在讓我無語!好吧！今天我想說三點!1:現在我身體健康，生活幸福、美滿，餘生還要繼續創作更多更好的影視作品!2:請傳媒堅守職業操手，將傳播真實、積極有正能量的新聞內容引領大眾!3:請造謠者止於此，否則，我將以法律來保護自己！謝謝大家，這就是我要說的!我知道觀眾的眼睛是雪亮的，大家都會有清醒的頭腦和判斷是非的能力!最後我希望亂象之中，請人心向善!」Feel到佢今次真係嬲咗…佢依家狀態仍然大勇，劇集、電影雙線起飛。新片上月上映。嚇到佢都要配張最新圖片，以證健康！真係做到冇停手。#罗家良#