星岛网：沈震轩搣甩TVB文化做人唔再扮嘢 陈欣妍被翻炒"进化史"霸气护未婚妻
39岁沈震轩（Sammy)今年内迎娶细10年，凭著三点式主持节目《美女郊游游》弹起的陈欣妍(Shirley)，喜庆事惹来酸民玩考古，再翻炒Shirley的"五官进化史"，仲Mean爆留言难以想像两人的"结晶品"会唔会走晒样？对于此类网上攻击，入行18年的Sammy霸气地以"鸡鸭论"回应："入行听得最多係'娱乐圈嘅男做鸭；女就做鸡'你觉得係咪係囉。"
採访：方骞平 场地：Amelia Hong Kong
被抨击唔会少忽肉
对于Shirley被指五官係宇宙大进化，更有网民刻薄留言"唔知仔女会点嘅样！"Sammy没好气说："其实冇所谓，直接啲讲我都係香港人，听得最多係'娱乐圈嘅男做鸭；女就係做鸡；嗰个有钱唔知捞乜，一定係俾人包。'你觉得係咪係囉，唔使解释。其实大家喺网上只係吹吓水，所以做人要放开啲，以前我做人比较严肃，但俾属双子座嘅Shirley感化，因为佢个人好chill，反而会安慰返我话'冇所谓喎，又唔会少咗忽肉，最重要我哋知发生乜事咪得，演员一定会俾人标籤，全部都care咪死？'"
有网民翻出Shirley旧照，发现Shirley五官大改造。
40岁要做返个男人
拍拖5年，Sammy从Shirley身上学会Take it easy："佢令我个人放鬆咗，改变晒人生态度，以前TVB嗰套文化好听叫pro，唔好听叫假，有好多嘢要遵守，唔听话要照肺，𠵱家签咗英皇娱乐唔需要咁，快40岁仲扮乜嘢呀？不如做返男人要做嘅嘢。"他重申，跟女友互相支持最重要，仲提大家谨记：happy wife happy life！
