钟嘉欣被指"双面人"传足半年 现身活动以7个字作终极回应
日前锺嘉欣（Linda)携同三名子女从加拿大返港，除了与好姊妹杨茜尧（前名杨怡）见面之外，原来是顺道工作，获广告商看中接拍美容广告。
在接受访问的时候，Linda表示自己已是三子之母，是次获邀拍美容广告，令到她觉得自己在状态、心态上好有自信，非常之开心。而提及到她曾表示逗留香港期间，想子女学习中文，她就直言："学紧少少中文，其实加拿大都有学，但係嚟到呢到，我觉得学嘅速度会快啲。虽然我哋逗留嘅时间好短，但都争取搵一个老师。同埋好多身边嘅朋友全部唔识英文，嗰个只係讲广东话，就会逼到佢哋依家都肯讲少少。" 还透露子女们会讲"我好锺意食呢个 "、"多谢 "、"唔该"等简单的口语中文。
Linda虽然已是三子之母，不过其状态非常好，依然少女感满满。问及会不会再生小朋友时，她就笑言："我係好锺意小朋友，你俾我后生5年，我就生够5个俾你。依家三个太美满喇，一个仔两个女，我觉得好够好感恩。（自己一个凑？）我同我老公我哋冇请工人，我锺意咁样。"
Linda虽然现时专注家庭生活，但她依然有戏瘾，讲到会不会再有机会拍剧，她就直言："唔知呀随缘啦！冇谂。（自己有冇戏瘾？）有，我成日喺屋企自己吟吟沉沉，揸架车冇人见到我我就扮拍戏。我仍然好锺意演戏，不过人生有唔同阶段，依家第一位係家庭。（如果TVB搵你拍剧ok 吗？）open，任何工作都open 㗎。其实好睇feeling，依家人大左冇谂咁多野。（有冇机会同阿怡合作？）如果有就好喇！我觉得如果我哋一齐拍会好好睇。（私底下有冇倾过？）冇，倾小朋友多啲。"而她与子女们是次只留港三星期多而已。
另外，就去年深陷"黑面"风波一事，问及她的感受，她就表示："我谂人生里面个个都会遇到锺意你嘅人同唔锺意你嘅人，自己只可以继续做好自己。识我嘅人爱锡我嘅人就会知道我係点。所以其他嘅嘢我觉得唔需要特别回应，沉默就係最好嘅回应。"
明年是Linda入行20周年，早前登台时她就预告想开演唱会庆祝，问及明年是不是有此大计划，原来她表示当时只是"吹水"而已。还表目前自己未准备好，庆祝21年的时候可能有机会。
