丁子朗郭柏妍傳暗撻兩個月 拍劇公然咿唈斷正無綫藝人丁子朗與郭柏妍因拍攝劇集《下流上車族》傳出緋聞，現時再情侶檔拍新劇《奪命提示》嘅2人被指日前開工時公然「咿唈」斷正，有指佢哋現身油麻地拍外景，期間丁子朗上演英雄救美，與刀手搏鬥，氹得郭柏妍展現心心眼，鏡頭後2人即行埋一邊咬耳仔，細聲講大聲笑，男方講到肉緊時更自然出手揸實女方手臂，完全旁若無人，完成拍攝後仲孖公仔黐到實結伴離開。有指其實丁子朗同郭柏妍已暗撻兩個月，有傳佢哋拍《下》時己互有好感，但由於丁子朗當時與戴祖儀緋聞鬧得熱哄哄，故令「A0」嘅郭柏妍卻步，直指男方了結感情轇轕後，2人於《奪》重遇再續情緣，結果一撻即着，一發不可收拾。丁子朗傳同郭柏妍暗撻兩個月。有指佢哋開工時公然咿唈。旁若無人。丁子朗#郭柏妍#
2023年3月21日 星期二
丁子朗郭柏妍傳暗撻兩個月 拍劇公然咿唈斷正 #女神
