隱形戰隊｜江美儀轉喜為憂秒谷眼淚騷視后演技 劉穎鏇飄逸秀髮背後藏小秘密 #女神

隱形戰隊｜江美儀轉喜為憂秒谷眼淚騷視后演技 劉穎鏇飄逸秀髮背後藏小秘密

隱形戰隊｜江美儀轉喜為憂秒谷眼淚騷視后演技 劉穎鏇飄逸秀髮背後藏小秘密《隱形戰隊》昨晚（24 日）播出的第15集繼續圍繞「拐賣少女事件」，由於犯罪集團鎖定邢風（劉穎鏇Tiffany 飾）為目標，Ocean提議將計就計以邢風做餌引犯人上釣，事件遭邢風媽咪 Madam Fong反對。幾經波折，邢風獲准做卧底，拍檔為POTT的Shadow（劉佩玥Moon飾）。經過多輪特訓，兩女正式踩入虎穴，成功混進犯人收藏少女的貨櫃，尋回辛Sir（吳家樂飾）女兒瑤瑤（關嘉敏飾）後，即找緊時機衝出重圍與犯人展開連場追逐及搏火，十分刺激。昨晚亮點集中在Tiffany，皆因無論文戲或是打戲均由她擔正。先說邢風與媽咪間的感情，之前因Madam Fong不欲女兒冒險做警察，二人為此爭吵不休，直至昨晚一集，身為母親的Madam Fong 因受被害少女母親的傷痛觸動，改變主意讓邢風參與直搗虎穴行動，令邢風喜出望外；眼見女兒興奮又雀躍，Madam Fong流露出幸福又慈愛的笑容，瞬即又在邢風離去後轉喜為憂，更秒間谷出擔心的淚，簡單幾個眼神清楚交代了Madam Fong內心的轉折及煎熬，演技精湛。談到女兒 Tiffany，美儀大讚乖巧又聽話，很難忘第一日與女兒開工的搞笑事：「嗰日開廠景，你知佢啲衫幾薄架喇，我又醒唔起個廠好凍，我哋兩母女就喺度震騰騰，我問：『阿女你有冇衫著』，佢就話：『冇呀，我係得呢啲㗎咋』，但佢又猛話冇事。」Tiffany 亦笑言每次見到美儀姐，都被她叮囑要多穿衣，並搞笑問她：「真係咁熱咩？」談到能與美儀姐有多場對手戲，Tiffany 坦言很榮幸：「美儀姐係視后級，所以一知道同佢有好多對手戲時都好緊張，同埋話晒第一次合作。但佢好好，我哋未正式開工前，佢有私底下message我同我傾吓套劇、等我可以思考多啲點做。佢唔單止教我，仲俾到我好舒服嘅感覺，令我完全放下緊張嘅心態。」昨晚與美儀姐「和解」的場口，Tiffany透露拍攝時已充份感受到美儀姐角色的慈愛及矛盾：「我哋頭先圍埋一齊睇呢集，我同Moon講單睇美儀姐眼神，就感受到佢嗰種擔心，同埋對女兒嘅放手同信心，我都睇到好感動。」昨晚Tiffany的打戲亦相當精彩，除了與Moon練閉氣一幕的飄逸秀髮Look超吸睛，之後在貨櫃將壞人凌空「打飛出去」的場口亦有型有款，Tiffany與壞人之間的「牛仔褸拉扯戰」更引起網絡熱話。談到相關場口，Tiffany自揭角色造型上的小秘密：「其實我拍呢套劇時係戴住假髮嘅，因為嗰時我頭髮仲好短，所以要整一片片嘅假髮啪上頭髮度。嗰次嘅難度係，每次對手掹我件牛仔褸，都會掹鬆埋我個假髮夾，搞到我成日甩頭髮，好搞笑。至於撻嗰吓，其實武師辛苦過我，佢主要係發力去做動作嗰個，而我就盡力配合番佢做到最好。」江美仪