獨家丨莊鍶敏寄語「更生」楊明:樂觀啲 半年內離婚加喪父唔覺自己慘去年11月@庄锶敏 (Jacquelin)與台灣珍珠奶茶店東主Brian(楊秉逸)結束兩年半婚姻,而上月28日,其拿督父親莊寶離世,享年83歲。42歲的Jacquelin比想像中更堅強,強調唔會畀自己鑽牛角尖,最重要懂得愛自己。她更寄語「更生」的楊明繼續努力:「所有嘢都會過去,一定會過到嘅。」採訪:方騫平 攝影:譚志光 場地:Amelia Hong Kong@ Harbour City莊鍶敏堅強面對離婚,會跟自己打氣,「世界上唔係得我一個人離婚,有啲人四肢唔健全,連生存條件都冇,比我更慘。」莊鍶敏半年內經歷離婚及喪父,她強調已調整心態,會愛錫自己更多,因為好多人會忽略自己感受。同時提醒自己,做任何事都唔應該趕時間,包括生B,大不了領養小孩。今年她想多拍戲,感情上反而較被動,但表明唔拒抗再發展異地情。 莊鍶敏父親出殯。一見面就嗌交檢視已過去的婚姻,Jacquelin坦言多方面都唔夾,解決唔到生兒育女問題,生活又多分歧:「當初我付出多啲,去台灣搵佢,豁出去乜都唔做,陪佢瞓醒就飲飲食食,返港後要keep返fit投入工作,佢留港時會怪我唔陪佢去食嘢,我哋幾乎碰埋就嗌交。」另外,受疫情影響長期分隔兩地,真正相處只得大半年,她唔排除性生活唔協調都係致命傷,仲自爆Brian曾詐型:「兩公婆都冇乜點見啦,見到面都算(性生活)正常嘅。」昔日情不再。兩年前Jacquelin仲係新婚期,但老公只能透過視像跟她慶生。拍拖期間Jacquelin付出較多,經常去台灣旅行吃喝玩樂探男友,順道睇畫展。去年11月Jacquelin喺社交網就離婚一事報平安。又稱「離婚都係好來好去,冇互相傷害,算係有體面,」Jacquelin曾停留內地工作8個月,好彩𠵱家中港兩地已通關,可以Day trip上落。Jacquelin堅持性生活唔協調導致離婚,代表段關係好脆弱。她又否認當日恨嫁累事:「係佢求婚,亦覺得佢係合適結婚人選,而且最初接觸嘅佢,表現好錫我,同後期有好大分別,不過,人係有好多面嘅。」她又強調跟前夫冇錢銀輸送,完全經濟獨立。對於被離婚,Jacquelin承認有啲唔開心,但冇恨過對方:「人係我揀嘅,如果怪佢反口未肯移居香港生活,好似呃咗我而憎佢,人生會好痛苦,對方只係我人生中一個過客,佢有佢難言之隱,就算父母都未必兌現晒承諾。」對於楊明醉駕刑滿出獄,Jacquelin「封口」,只希望自己身邊人健康,仲安慰楊明:「所有(唔好)嘢都會過去,睇得樂觀啲,個人都會好啲。」庄鍶敏
2023年3月17日 星期五
獨家丨莊鍶敏寄語「更生」楊明:樂觀啲 半年內離婚加喪父唔覺自己慘 #女神
Share this interesting post:
You might also interested in:
-
Image via Disney 8 月時曾經報導過的 Mickey Mouse 90 周年紀念藝術展終於開幕,各位紐約客趕快來看看這隻史上知名度最高、最會賺的老鼠吧! 於 1928 年 11 月 18 日,名為 Steamboat Willie 的短片於紐約市首映,而 M...
-
正妹寫真推薦↑↑↑↑↑↑ 正妹來襲(每日更新) IG:Albee陳宥蓉 via:timliao 延伸閱讀↓↓↓↓↓↓ 李佳穎拍「證件照」開領口不經心露溝 意外讓網友眼睛大吃冰淇淋 有...
-
被誉为药剂系网红的Ly Huy,常常在社交平台分享药剂方面的知识和宠物等。 View this post on Instagram A post shared by (@lyhuylau) o...
-
【2019櫻花季】看櫻花就來這!4大日本賞櫻景點 花期預測、住宿、交通懶人包 哲學之道是2019年由網友熱推出來的京都最佳賞櫻景點(照片來源:Perry Li@Flickr))https://bit.ly/2Tapefi 春寒料峭的季節,日本各地也即將進入櫻花初綻的粉嫩...
-
自从爆发新冠肺炎疫情以后,新人们的婚礼和婚宴都被迫延迟或是限制宾客人数。早在行管令(MCO)开始的第一个月就有一对巫裔新人举办“Drive-thru婚礼”引起网友们的高度关注与疯传。 照片来源: 中国报 而近日大马又多了一场“Drive-thru婚礼”啦!虽说7月份开始行...
-
各位大马子民看过来!2020年即将到来,政府在2020年落实了许多税务新政策,当中包括数码税、个人所得税扣税项目等。只要你是纳税人,那你都务必了解即将落实的政策有哪些!话不多说,我们立马来看看吧! 1.个人现金捐款扣税增至10% 为了鼓励及培养马来西亚子...