《愛．回家》又抽水！袁偉豪疑再被影射藝人袁偉豪上年因被稱為「藝訓班星級導師」，佢繼而轉發有關報道，並好不滿咁寫道：「我欠咗你哋班傳媒？」呢件事其後疑被無綫處境劇《愛‧回家之開心速遞》劇情作藍本，影射佢同傳媒關係差，事後袁偉豪句句有骨咁話：「我唔知佢哋係咪寫到冇題材，要搵啲題材寫吓！幫到件事又過癮，又有咁大反應咪開心囉，不過我都會搵編劇傾吓偈㗎喇。」疑寸爆該劇嘅編劇。尋晚（24日）《愛》劇疑似再影射袁偉豪，劇中出現唔少抵死對白，包括KC（歐瑞偉飾）話：「啲編劇寫到冇嘢好寫，我要搵佢哋傾吓偈先得！」似乎完全照抄袁偉豪之前嘅回應，更刻意加入影射KC與富家女友Rachel（孫慧雪飾）拍拖嘅劇情，而劇中編劇熊尚善（滕麗名飾）嘅對話亦相當搞笑：「成日都好鬼多人過分敏感，兩下就對號入座。」、「我係諷刺佢食軟飯，吹咩？」唔怪之得網民覺得《愛》編劇又嚟抽水啦！袁偉豪疑再被影射。劇情講到KC同傳媒關係差。劇中有KC同富家女拍拖嘅劇情。仲有「食軟飯」嘅對白添！#爱回家之开心速递#袁伟豪
2023年2月26日 星期日
《愛．回家》又抽水！袁偉豪疑再被影射 #女神
