港姐出局做综艺发围！陈圣瑜无惧被指整容：仲靓过以前
有"翻版方媛"之称的应届港姐陈圣瑜（Yvette），参赛时一直被睇好夺冠，最终却8强止步，令人跌眼镜。不过所谓"塞翁失马"，赛后距今短短2个月，她已参与两个综艺节目，先后在《男神厨房》做美女助厨及在《读心专家》孖黄庭锋做主持，较同届港姐机会更多，对此她直言感幸运："好多谢监制畀机会，佢睇咗我以前拍嘅Vlog，见我喺片入面讲咗几句嘢都OK。"谈到"读心"，她自认睇异性较准，曾从蛛丝马迹中揭发前度劈腿。
感激家人接济
Yvette成为无綫艺人后放弃正职，坦言家人亦担心她收入不稳，入不敷支："有主动畀钱我，佢哋知我报喜不报忧，觉得我难开口要钱。"她自18岁起独自在港生活，与家人分隔异地，炼成独立性格，即使参选港姐期间面对再大压力，她也不会跟家人倾诉，选择自己消化。问是否最介意被指整容？她说："唔系介意，而系唔知原来可以咁样畀人讲！读书嗰阵的确唔系咁注意自己个样，依家一定系靓过以前！"
只身留港Lonely
公屋出身的她又被指突然富贵，她说："可能社交网嘅相令人觉得我周围去，唔使做，出入又系高级地方，其实我系返全职嘅时候趁假期去旅行，只系我冇放工作相啫！"她坦言只身在港有时难免感孤独，也想回家有父母陪伴及煲好汤等她，但她乐观地说："每个人有唔同经历，佢哋令我更独立，我都好多谢佢哋。"
