Angelababy #香港 #娱乐

Angelababy

据香港东网报道：女星#Angelababy#（#杨颖#）出名身材Keep得好，但系佢不时都因为太瘦而引嚟网民担心，早前佢忙于为新剧开工，佢块面瘦到同小女孩差唔多咋，唔少网民都嗌佢要食多啲嘢，但系到咗寻日（22日）佢喺社文网晒出席活动嘅相，睇到佢又瘦咗一圈，令到网民好心痛！
佢着上白色大露背高衩长裙行红地毡，将白滑玉背，同修长美腿，完美呈现出嚟，相当吸睛！但系由于佢太瘦嘅关系，当佢换上另一套露肩晚装时，佢嘅锁骨竟然瘦到凹晒，目测个"凹位"可以放得落只蛋呀，而佢嘅双臂仲瘦到皮包骨，好似撞一撞就会断，令到一众网民睇到都觉得好担心，惊佢再瘦落去身体会出问题，嗌佢要Keep Fit之馀都记得要保重身体，唔好要靓唔要命呀！