【新劇造型】
黃智雯諗起吳岱融就失眠：佢好兇殘！
藝人黃智雯（Mandy）今日（18日）出席無綫新劇《隱門》（暫名）開鏡，她表示看劇本時已經失眠：「劇中吳岱融係一個好兇殘又暴力嘅爸爸，我細個嘅時候迫我接賊贜，令我有童年陰影，我讀劇本嘅時候已經感受到岱融哥嘅氣場，劇中仲要畀佢掌摑。（陳展鵬話以前拍劇畀佢摑十幾巴。）我諗2、3巴，我係女仔應該會對我好啲，佢摑我一巴我都暈暈哋，我依家已經想像到佢個樣，加上劇中有啲靈異元素，我會見到死去老公嘅幻象，成套劇我都係好大精神壓力，而且我最近要排台慶，所以我自己都好大壓力。」
另外，Mandy今次首度跟陳展鵬合作，配搭新鮮，而她亦換上新髮型示人，她笑言：「之前幾個角色嘅造型都好相似，怕大家睇到厭，我個角色係家庭主婦，係個弱者，經常受到奶奶同老公壓迫，劇中成日畀人鬧同打，我仲有落水戲，我唔係好叻游水，但要落水救人，所以今次喺體力同精神上都好大考驗，希望聖誕前完成落水戲，否則好凍。」
