星空下的仁医 #香港 #娱乐

星空下的仁医

据香港东网报道：#TVB# 台庆剧《#星空下的仁医#》进入结局篇，仲有两集就播完！去年特意返港拍剧嘅艺人#锺嘉欣#，连日来更新社交网除咗力推主唱嘅主题曲，继续为剧集造势。今日（18号）佢上载多张与剧中演员#郑嘉颖#、#马国明#及#周家怡#合照，四人合作而结缘，相中见个个笑得好灿烂，相信拍摄过程合作得非常愉快。
最为亮点一定系在旁化身小鸟依人嘅@鄭嘉穎KC ，依偎喺老友@馬國明-Kenneth 膊头度，仲翘到实一实，好似惊佢会走咁，而且笑容更系由心而发，相信除咗老婆@陳凱琳GC 之外，第二个可以令郑嘉颖笑到咁只有马国明一个！锺嘉欣以英文留言："美好时光、美好的回忆，感谢这次经历。"
此外，@Linda鍾嘉欣 与@周家怡 亦因合作而成为好友，见佢一时搭住周家怡膊头，一时就让周家怡脚搭喺自己大髀上，大晒闺蜜情。唔少网民大赞个个都好Cute，真情流露，演员之间能成为好友好难得。