讲紧麦明诗？裕美爆林作憎到前度死
艺人裕美接受由杨诗敏（虾头）和连诗雅（Shiga）主持的网上节目访问，现正和林作拍拖的裕美，被问到可介意外界将她和男友的前度作比较，她爆料指男友憎到旧爱死："佢系好憎个前度，死喇，呢句可唔可以讲？因为佢系嗰啲分咗手就想佢死，即系唔好再畀我见到佢，佢唔会同前度做朋友。"由于男友不会跟旧女友拖泥带水，所以令她好有安全感。
裕美语出惊人后，由于她提及"男友前度好巴闭"，令人联想到前港姐麦明诗，林作透过说："我系唔会针对任何一位前度嘅，裕美嘅意思系话我咁多年都唔会同任何一位前度做朋友，呢个系我爱情观嚟嘅，我巴不得想对方喺呢个世界上消失，再唔好畀我再遇到，我觉得任何人分手后，都唔应该同前度再有任何关系，最好当佢死咗咁准确啲，我冇针对边个，冇特别恩怨，我完全唔记得晒添啦，都过咗去，我咁忙。"再问是否暗示"前度"就是麦明诗？他即"离线"没有回应。
另外，裕美又大爆曾遭前度当奴隶兼暴力对待："佢就算点样闹我，用粗口闹我都好，我都会讲对唔住。我试过有男朋友直头连异性联络都唔畀我有，佢检查我部电话。（咁发现点算呀？）佢发现咪打我啰。"裕美又指林作的性癖好："佢最爱'打飞机'，因贪'快靓正'。"
