唐伯虎点秋香 #香港 #娱乐

唐伯虎点秋香

据香港东网报道：有"金牌经理人"之称嘅#霍汶希#（Mani）系出名嘅美魔女，虽然已经49岁，但系佢个靓样同身材依然Keep到，颜值一啲都唔输畀一众女星，完全系逆龄生长呀！佢不时都喺社交网平台分享保养美容心得，佢日前就试用咗条朋友送畀佢嘅"高科技围巾"，话可以去皱纹，系咪真系咁神奇呀？
佢话将呢条围巾戴喺条颈上面就可以去颈纹，而敷喺块面上面3分钟就可以有紧致效果，淡化法令纹，仲有消水肿功效添！佢亲自做埋实测话感觉唔错，仲话好似#周星驰#喺电影《#唐伯虎点秋香#》入面出"还原靓靓拳"一样咁神奇，仲帮条巾改名做"还原靓靓巾"呀！
但系其实睇到佢敷完条巾之后，出嚟个效果都系差唔多咋喎，唔觉有咩分别啰，不过佢都有澄清话自己唔系代理，佢只系随便试吓个效果，叫大家唔好相信呀！而网民当然唔多相信佢呢条"还原靓靓巾"啦，觉得同普通围巾系冇咩分别啰，而有网民就担心@霍汶希Mani 系咪畀人呃呢？仲质疑呢个世界边有咁易变靓嘅方法呀！