吳沚默做女版Bob 帶蔡潔珠海搵男友蔡潔與吳沚默今日（23日）出席旅遊節目《請1日假去旅行》記者會，兩人即將出發到沚默的家鄉珠海拍攝，作為地膽的沚默除了出鏡，更要兼顧幕後撰稿員的工作，她承諾會帶蔡潔吃喝玩樂兼為她介紹異性：「有我嘅珠海高中同學、珠海富二代同埋大灣區小伙子，我可以做珠海阿Bob，哈哈！」蔡潔笑謂自己要上演「珠海版尋人記」尋找對象，問她有何擇偶條件？她說：「鍾意小動物、錫我、孝順，最好喺珠海有樓，咁將來就可以同好姊妹沚默住得近啲。」她稱知道對方會帶自己到珠海夜蒲，會帶定戰衣。至於會否帶定泳衣拍攝節目，她將責任推給好友說：「沚默搵嚟搵去都搵唔到個可以畀我哋着泳衣嘅場地喎！」沚默無奈說：「我搵到個鯨鯊館落水同鯨鯊互動，但場館話唔可以着泳衣，要着潛水衣，仲要素顏上陣。」吳沚默係珠海地膽。蔡潔話要對方幫佢搵男友。齊齊派心。搵唔搵到呢？蔡洁吴沚默
2023年6月23日 星期五
吳沚默做女版Bob帶蔡潔珠海搵男友 #女神
