亞視台慶眾星齊撐 陳啟泰唔玩《百萬富翁》搞呢個節目亞洲電視昨日(6日)於大埔錄影廠舉行《亞洲電視66周年台慶》晚會,陳啟泰、柳影虹、李龍基、劉錫賢、鍾叮噹、馬浚偉、馮素波等現身,而內地藝人黃渤更專誠錄影為亞視送上祝賀。亞視行政總裁徐小明率領董事局及管理層舉行啟動禮,他盼望透過台慶活動令外界更了解亞視未來動向:「其實壓力都好大,因為大家都問有咩搞,其實我最主要目的就係激活亞視,因為一個電視台冇製作就好似虛殼咁,起初我哋輕鬆啲,好似新聞、財經、玄學等等。今次『碌卡』叫咗好多朋友嚟幫手,晚宴都爆晒人數,多謝大家對亞視嘅情懷支持。嚟緊亞視都會參與一個基金,我哋希望培養到人才,搵到啲好劇本。」他還表示,現階段亞視將製作另類的綜藝節目,盼吸引更多觀眾點擊:「一個媒體機構有新聞,可以盡到社會嘅責任,今次加強咗新聞嘅力量,我們已經成立《亞視國際新聞台》,由我們的藝人陳美濤、吳玥肜、羅卿娗伙拍馬來西亞新聞團隊,為觀眾提供最新的資訊。」被點名讚賞的李芷菱、陳美濤、吳玥肜、羅卿娗受寵若驚,羅卿娗就話現主持新聞及旅遊節目,仲話想有新嘗試挑戰自己:「希望嚟緊會拍新劇集,可以成為未來嘅經典!依家做主持都會帶大家周圍玩、周圍食,希望大家都會留意。」陳啟泰表示能再為亞視拍節目感興奮:「頭先我見大堂好多人,我以為自己好熟路想做『秘道』,點知封咗搞到要行5層樓梯。我依家為亞視拍汽車節目,最好可以帶埋太太一齊拍,因為唔使跟團招呼都好啲啦!今次節目都好似監製咁,因為我哋呢啲老演員都會比好多意見嘅。」柳影虹、李龍基為晚會擔任表演嘉賓,二人落力獻唱為節目增添氣氛,柳影虹表示重回亞視感興奮,希望多製作節目令業界百花齊放:「我問小明哥(徐小明)係咪搵我做評判,佢話叫我唱歌!其實都想做評判,因為咁多年畀人指指點點,都想評吓人地唱歌嘛。」而同場嘅李龍基就拒談女友用手袋裝錢一事,唔想比人誤會,但佢自爆年尾將有「喜訊」公布:「我哋年尾就會結婚㗎喇,不過應該唔會大搞,總之兩個人開心就可以。」劉錫賢為晚會擔任司儀,佢表示多年未現身錄影廠,重回舊地感觸良多:「我1988年加入亞視,咁多年都拍過好多節目,令觀眾留低深刻印象,真係好多謝亞視,希望今次小明哥帶領亞視有新形象,令觀眾接受翻我哋。」久未露面的陳庭威感觸亞視台慶,笑言自己「年年18歲」,保持狀態隨時工作:「大家身體健康、快樂就可以,呢幾年我喺大馬都有做生意。(感情呢?)啊…我仲係…自由身!你知以前係『地下情』,唔知邊個咩?咁約出嚟食飯見吓囉。」 而馬浚偉支持徐小明出席台慶,認為亞視做網台有更大發展:「佢哋有需要而我又做到,我一定會支持佢,不過依家我都忙緊返學,可能做監製開心啲,因為可以指人做嘢,可能呢啲層面合作會易啲。」陳啟泰有新嘢搞。好耐冇見陳庭威!徐小明計劃多多!美女如雲!陈启泰
2023年6月7日 星期三
亞視台慶眾星齊撐 陳啟泰唔玩《百萬富翁》搞呢個節目 #女神
Share this interesting post:
You might also interested in:
-
被誉为药剂系网红的Ly Huy,常常在社交平台分享药剂方面的知识和宠物等。 View this post on Instagram A post shared by (@lyhuylau) o...
-
最近制服地圖新增了「 班服產生器 」這個服務,簡單的說就是大家可以透過這個服務,簡單的使用上面的素材或是上傳自己設計的圖片,跟產生器的衣服結合,就可以弄出自己設計的班服了,有需求的朋友可以多多利用。 產生完的設計稿,也歡迎投稿至「 你們班服不服?輕鬆小品班服好fun 募集大賞...
-
骨質增生太痛苦!川芎末+老陳醋,3天趕走“骨刺”疼痛! 骨質增生又叫做增生性骨關節病也是我們常說的“骨刺”,它是中老年人當中常見的一種退行性骨病,不過當今社會,有不少年輕人也開始被這種疾病折磨,為了可以更好的治療和預防骨質增生,大家有必要了解下它的症狀。 ...
-
高雄市高中職制服第3篇開始進入原高雄縣的部分囉! 本篇先介紹鄰近高雄市改制前舊市區的仁武、鳥松、鳳山、大寮和林園等區的部分 J. 仁武區 36. 市立仁武高中 上衣為白色方領襯衫,領邊有深藍色滾邊,左胸位置繡上校名,右胸位置繡上姓名和班級碼,繡線為藍色,搭配黑色百...
-
Any photographers exploring street photographer in Kuala Lumpur would most definitely did some sessions at the famous Petaling Street, or Ch...
-
Image via Disney 8 月時曾經報導過的 Mickey Mouse 90 周年紀念藝術展終於開幕,各位紐約客趕快來看看這隻史上知名度最高、最會賺的老鼠吧! 於 1928 年 11 月 18 日,名為 Steamboat Willie 的短片於紐約市首映,而 M...