星玄朱千雪素顏自拍嚇窒網民再拍劇有條件 #女神

星玄︱朱千雪素顏自拍嚇窒網民　再拍劇有條件

星玄︱朱千雪素顏自拍嚇窒網民　再拍劇有條件今日係6月23日，即農曆五月初六，宜大事勿用。最旺生肖係龍，你哋偏財好旺，得財不費力，但千祈唔好沉迷賭博喎！港姐朱千雪就係屬龍，千雪BB自從正式成為大律師後，已經好少公開露面，之前現身TVB員工頒獎禮，仲畀網民話佢捱到個樣殘晒。早排佢榮升講師肯定更加忙啦，仲喺社交網upload全素顏自拍，個樣勁苦惱勁可愛，一大班網民狂讚佢狀態好好、好少女！睇嚟雖然忙咗，但愈戰愈勇簡直回春！網民話佢似得18歲！成張枱都係文件，難怪咁苦惱！不過做大律師肯定唔輕鬆，千雪BB今日有偏財運，當然唔好錯過，買個六合彩中獎就可以買禮物獎勵自己啦！其實朱千雪同TVB都仲有合約在身嘅，大家都好掛住同想佢拍劇。不過佢早排喺網上直播就坦言冇空餘時間，睇嚟大家有排都見唔到佢，要等佢放低律師工作先有機會呀。做直播個樣好可愛。粉絲們等佢忙完啦，佢講過自己有戲癮，一定有機會嘅！今日嘅幸運星係獅子座，你哋好好運生活無憂，要識得感恩。「宇宙最強」甄子丹原來係獅子座，唔怪得咁有氣勢啦！憑《葉問》入面「我要打十個」打響名堂嘅佢，早前公布喜訊，表示即將開拍《葉問5》！仲講到明要有新嘅感覺畀影迷，真係好令人期待！子丹運勢咁好，新片一定可以再創事業高峰！相信冇乜人唔識《葉問》！