香港小姐2023 | 乐易玲讚今届佳丽高质 会出外景拍摄不设准决赛
TVB年度选美盛事《2023香港小姐竞选》第一轮面试今日（10日）在将军澳电视城举行，共有89名参选佳丽到场。无綫高层乐易玲与港姐大会统筹经理何小慧一起接受传媒访问。问到觉得今届参选者质素如何？乐小姐说："见咗头8个，几好，就係因为质素好所以想问多啲，就见耐咗。今年报名最后嗰个星期同最后两日好踊跃。"
她们表示仍有大约10多个佳丽来不到："有啲考紧试，有啲请唔到假。希望下个星期可以畀佢哋嚟埋面试。以今年嘅质素嚟睇，今年second interview嘅人数应该会多。"
至于可会偏向拣些比较后生的佳丽？乐小姐说："最紧要拣靓同埋presentable。"提到广东话不好的佳丽可会蚀底，她们表示对这方面也会有要求。她们又透露今年会有外景拍摄，乐小姐说："今年我哋係plan咗要去嘅，都开咗关咯，梗係要出去行个圈啦。依家有地方喺度考虑紧，地点等下次再公佈。"她们又谓今年未必会有准决赛，应该会是一次过选完。
问到今年有好多内地佳丽参选，甚至多过香港本土的佳丽，她们拣选的比例是怎样？乐小姐说："我无话要睇係土生土长，抑或香港出世去咗外国读书，定係内地出世嚟咗香港，其实呢啲佳丽咁多年都有嘅，尤其是first interview 我哋一定唔会set呢啲门槛嘅，最紧要都係靓唔靓，係咪presentable。（今日有无啲佳丽係朋友或者名人提名，你哋係知嘅？）佢哋有写嘅，我哋都有见到嘅，唔会因为係边个提名影响到我哋嘅观点同评审。"
提到有佳丽再度参选，乐小姐说："有一位佳丽上年自己提出未ready，今年再嚟。我头先问同事都话佢今年係瘦咗，比上年ready咗。"她又表示今年的佳丽学历都好高，高学历的佳丽难免年纪大些，年纪轻的自然又未读到这麽高学历。另外，乐小姐前夫陈君毅早前病逝，问到有关丧礼筹备安排情况，她说："工作同家事可以一齐处理，我下星期一已经请咗假。"
