楊茜堯激罕發火羅子溢躺着中槍 本尊：入我數好正常！ #女神

楊茜堯激罕發火羅子溢躺着中槍　本尊：入我數好正常！

楊茜堯激罕發火羅子溢躺着中槍　本尊：入我數好正常！藝人羅子溢今日（28日）出席公開活動，對於太太楊茜堯日前於社交網激罕動火留言，惹來網民揣測二人鬧婚變，他表示太太當日已回應，只是她與朋友之間的誤會，不過認為太太的事亦是他的事，現時先要處理對方心情及感受，更說：「網民入我數都好正常，唔係我真係驚，冇所謂啦！（網民都摷番你以前啲事講，話你個底好花？）冇理由，咁咪唔講以前，最緊要講將來，依家幸福同開心就ok!我哋之前仲去咗主題樂園玩得好開心。」子溢坦承平日兩公婆也會有小拗撬，但自嘲從未贏得過太太：「由結婚開始已經冇贏過，依家仲學識上火時唔好即處處理，等冷靜落嚟先。(今次咁無辜，太太有冇講啲咩？)有講唔好意思，佢都係之後就知咁大件事，不過如果真係好嬲，就唔會只係呢啲小女孩圖案啦！」更預告7月將飛馬來西亞拍攝新劇《家族繼承者》，預計於當地逗留兩個月，適逢兩公婆同時8月生日，故屆時太太將飛當地一起慶生，問到太太有否心癢癢想再拍劇？子溢表示：「有接觸緊。（無綫劇？）未知，但下年應該有機會。」羅子溢話老婆都有同佢講唔好意思。其實一家四口好幸福。好爸爸。罗子溢杨茜尧