法言人｜官方海報MV花絮出爐 CP配搭新鮮特別演出名單豐富 #女神

法言人｜官方海報MV花絮出爐 CP配搭新鮮特別演出名單豐富

法言人｜官方海報MV花絮出爐 CP配搭新鮮特別演出名單豐富由 馬國明 林夏薇 張頴康 麥雅緻 Wong Ka Lok 黃嘉樂 何依婷 Regina Ho Karl Ting 丁子朗 容天佑 Joman Chiang 蔣祖曼 陳嘉慧 Stefan Wong 黃祥興 同 李成昌 等主演嘅新劇《法言人》將喺4月10號起緊接《JD女法醫》播出。 《法言人》圍繞小型規模嘅施雷律師事務所為故事骨幹，重點主角就係喺律師樓中地位舉足輕重嘅「金牌師爺」金秉信( 馬國明 飾)、三大律師田佑家( 林夏薇 飾)、馬瑋雄( 張頴康 飾)同庾國棟( 黃嘉樂 飾)等。近日TVB陸續釋出官方宣傳海報， 除咗集齊4大主演加8大重要角色嘅主要海報之外，亦有多款唔同組合海報，好似「律政四好友」馬明、薇薇、頴康同嘉樂；馬明＋薇薇、張頴康＋蔣祖曼、容天佑＋何依婷 ＋丁子朗、黃嘉樂＋趙璧渝四對唔同配搭嘅CP組合，將劇中重要感情線全面曝光。而咁多對CP當中，「康曼CP」同「樂渝CP」都令唔少人期待，各對CP組合都甚有新鮮感，好似「明薇 CP」咁，薇薇自2011年參與TVB劇集拍攝後，從來未同馬明扮演過情侶，今次首度擦出「愛火花」， 薇薇就笑言：「同佢合作感情戲都幾有默契，因為佢覺得女仔對於感情戲嘅直覺、同埋對Sweet嘅感覺會比較準啲，所以我哋會多啲討論同設計溫馨嘅Moment，令到大家相襯度再高啲。」至於角色最大挑戰同難度，薇薇就話劇情夠晒燒腦喇：「因為一次過要講幾頁紙對白，好考記憶力，加上我個角色有個綽號叫『滅絕師太』，喺法庭上要好強咁一口氣講晒所有對白。雖然之前《十二傳說》嘅潘教授都好多對白， 但律師同教授係好唔同嘅專業範疇，啲專業術語好唔同。」透過唔同單元個案帶出一個又一個人情故事嘅《法言人》，演出陣容除咗以上名單之外亦相當 鼎盛，日前曝光嘅海報就列出《法》劇強勁嘅特別演出陣容，當中包括有視帝 陳展鵬、視后劉佩玥、胡鴻鈞、胡楓、羅蘭、麥玲玲同羅天宇，有齊殿堂級演員同視帝視后坐陣。而其中又以胡鴻鈞嘅特別演出最有意義，曾經同馬明喺劇集《降魔的》 嘅「石敢當與馬季」組合相當受歡迎，今次再度合體自然成為焦點所在喇。至於羅天宇嘅演出亦因為佢曾同何依婷合作台慶劇《十月初五的月光》，如今再喺《法》劇特別演出，唔知同何依婷有冇特別關係呢？劇集MV宣傳片亦已公開，片段所見特別演出陣容造型同人設都相當特別，胡鴻鈞嘅造型同《降》劇嘅石敢當有八成相似，而陳展鵬嘅的士司機造型熱血陽光， 同喺《隱形戰隊》扮演重點奸角嘅佢有明顯分別。至於同樣喺熱播劇《隱形戰隊》中被封為新一代性感打女嘅劉佩玥，喺《法言人》就以賢慧輕熟女Look亮相，令人對佢嘅角色更為期待；至於兩大可愛資深演員胡楓同羅蘭，喺劇中亦會一過戲癮盡情鬥戲。喺七位特別演出嘅演員當中，又以麥玲玲最為搶鏡，飾演貴婦白綺曼嘅佢，每次出場造型都色彩繽紛又富貴，喺MV預告片曝光嘅「拉丁貴婦」造型，加上玲玲姐淡定有錢剩嘅高貴笑容，已經令人會心微笑喇。《法言人》4月10號起 星期一至五晚 21:30 翡翠台法言人