獨家丨Gin Lee被嫌悶決心求變跟軒仔學運作IG 想玩真人騷呼籲:素顏都冇問題Gin Lee(李幸倪)去年約滿環球,坦認曾經擔心同掙扎,更想過做獨立歌手,最後於年初宣佈簽約英皇重新出發。因為被網民嫌人又悶歌又悶,入行14年的她決心求變,打算拍真人騷同搞好社交平台同Fans拉近距離,仲開到口想拍戲。採訪:杜杜 攝影:Stanley 髮型:EveChiu@w work shop 化妝:NatalieSoo@ndnco 服裝:CLAUDIE PIERLOT、SANDRO 場地:The Crown@英皇駿景酒店Gin Lee認為以往太循規蹈矩,難免會令觀眾覺得悶和有距離感。Gin Lee坦言約滿環球前有段日子相當忐忑,一路考慮續約與否,「嗰段時間好糾結,大家又合作咗好長時間,如果真係要突破,可能要換一個新嘅環境。」不過當時她冇想過放棄歌唱事業,「真係有諗過唔同嘅可能性,但係我最想做嘅都係歌手,係我擅長同埋鍾意嘅嘢。」舊公司約滿後,Gin Lee返老家馬來西亞休息。自細模範生唔敢曳曾考慮做獨立歌手的Gin Lee,相對10年前首度約滿公司淡定得多,「呢個十字路口唔係第一次經歷,10前年同今次分別都幾大,當然都有掙扎同不安,但係多咗啲信心,10年前真係一個新人,冇公司真係以後冇得再唱,但10年後都累積咗啲嘢,驚冇得行落去個擔憂少好多。」喜愛分享的Gin Lee退休後想做歌唱老師,「希望透過分享,幫到其他人提升唱歌造詣。」Gin Lee簽英皇後推出第一首歌《Dum Dum》走韓式跳唱風,給觀眾帶來驚喜。Gin Lee簽英皇後第一首歌《Dum Dum》,無論曲風同形象都有很大轉變,原來她決心求變,推動力來自網民的留言,「話『好悶呀,歌又悶人又悶』,我真係有咁悶咩?!哈哈!熟識我嘅朋友會見到我好玩嘅一面,但我唔可以再咁慢熱,𠵱家會提自己活潑啲開心啲,唔好咁驚,可能過去多顧慮。」她所指的顧慮源自從小到大都是模範生,好怕行差踏錯,「我由細到大唔係做風紀就係做班長,通常都係領導角色,慣咗好多嘢要穩陣,唔可以出錯,無形中特別謹慎,但係我唔可以再咁乖。」2011年來港發展的Gin Lee,開心12年來歌迷一直支持。Gin Lee只參與過一次真人騷,就是《聲夢傳奇》出任導師。結婚先公開另一半為了擺脫又乖又悶的Gin Lee,向來愛計劃的她,決定不再刻意規劃未來的音樂路,不再給自己任何框框,「好想搵唔同嘅可能性,千祈唔好太穩陣,我明確想突破,突破就係要捨棄一啲令我好舒服嘅嘢。」Gin Lee一直恨拍喜劇做打女,簽英皇後有望下年實踐目標,「喜劇係好大挑戰,好笑亦唔係咁易嘅事,想試吓自己得唔得,武打都想,我細個學過跆拳道,希望下一步會做,𠵱家有機會亦有資源同配套去做,但我唔想太貪心,今年目標想出4至5首歌,時間放喺做音樂先。」Gin Lee很快融入新公司,早前跟藝人同事齊出席活動。為了拉近跟觀眾距離,Gin Lee決定豁出去乜都試,首先嘗試跟「娛圈IG王」張敬軒學嘢,努力在社交平台跟Fans有更多互動,公開自己最真實一面,簡單嚟講即係貼地啲,「乜嘢真人騷都可以,素顏都冇問題,傻啲唔緊要,𠵱家嘅我偶包可以放低先。」以往Gin Lee的私生活只會提及家人,感情事相當低調,有傳她跟圈外有米男友感情穩定,未來這方面會否更透明?「如果只牽涉自己,當然乜都可以講,會影響其他人生活,會比較小心啲。」她不排除到結婚時才會公開另一半,但剛簽約的她承認婚期要等幾年,「呢幾年想好好把握機會,公司畀咗好多支持同資源我,令我嘅歌唱事業更上一層樓,所以要將多啲精力擺喺事業上。」Gin Lee講得出做得到,在社交平台玩吓直播送禮,出Po亦活潑咗,仲識玩hashtag。Gin Lee只參與過一次真人騷,就是《聲夢傳奇》出任導師。疫情期間Gin Lee跟家人分隔兩地,所以她決定安排父母來港定居。李幸倪
2023年4月6日 星期四
獨家丨Gin Lee被嫌悶決心求變跟軒仔學運作IG 想玩真人騷呼籲:素顏都冇問題 #女神
Share this interesting post:
You might also interested in:
-
Image via Disney 8 月時曾經報導過的 Mickey Mouse 90 周年紀念藝術展終於開幕,各位紐約客趕快來看看這隻史上知名度最高、最會賺的老鼠吧! 於 1928 年 11 月 18 日,名為 Steamboat Willie 的短片於紐約市首映,而 M...
-
骨質增生太痛苦!川芎末+老陳醋,3天趕走“骨刺”疼痛! 骨質增生又叫做增生性骨關節病也是我們常說的“骨刺”,它是中老年人當中常見的一種退行性骨病,不過當今社會,有不少年輕人也開始被這種疾病折磨,為了可以更好的治療和預防骨質增生,大家有必要了解下它的症狀。 ...
-
被誉为药剂系网红的Ly Huy,常常在社交平台分享药剂方面的知识和宠物等。 View this post on Instagram A post shared by (@lyhuylau) o...
-
最近制服地圖新增了「 班服產生器 」這個服務,簡單的說就是大家可以透過這個服務,簡單的使用上面的素材或是上傳自己設計的圖片,跟產生器的衣服結合,就可以弄出自己設計的班服了,有需求的朋友可以多多利用。 產生完的設計稿,也歡迎投稿至「 你們班服不服?輕鬆小品班服好fun 募集大賞...
-
自从爆发新冠肺炎疫情以后,新人们的婚礼和婚宴都被迫延迟或是限制宾客人数。早在行管令(MCO)开始的第一个月就有一对巫裔新人举办“Drive-thru婚礼”引起网友们的高度关注与疯传。 照片来源: 中国报 而近日大马又多了一场“Drive-thru婚礼”啦!虽说7月份开始行...
-
Romance series garnering popularity on overseas platforms (China Daily) In Between, a romance series streamed on Youku, has also been rel...