鍾嘉欣計劃返港過生日 要仔女學中文藝人鍾嘉欣（Linda）近年移居加拿大，婚後育有3個小朋友嘅佢，雖然減少幕前工作專心湊仔，但不時喺社交網大晒生活點滴，人氣依然強勁！將於明日（9日）生日嘅佢，開Live時獲網民送上生日祝福，佢開心咁話好掛住大家，仲透露即將會返港見粉絲：「我好似有1年4個月冇見大家，希望生日可以親身見到你哋，所以我都好快會返港嘅。」而佢嘅生日願望就係最緊要平安，仲表示想仔女學好中文：「我希望我啲小朋友可以認識到我成長嘅地方，知道媽咪係做啲乜嘢，同埋學廣東話、中文、普通話，總之學中文，我覺得一定要識，冇理由唔識。」鍾嘉欣希望返港過生日。鍾嘉欣想仔女學好中文。钟嘉欣
2023年4月9日 星期日
鍾嘉欣計劃返港過生日 要仔女學中文 #女神
