何超蓮竇驍世紀婚禮在即 佘詩曼帶準新人歎煲仔飯賭王三房千金何超蓮與內地男星竇驍將於今個月在印尼峇里島舉行盛大婚禮，之前超蓮更到泰國出席好姊妹婚禮，順道取經。不過，她亦旋即返港，更有網民拍得她與竇驍、佘詩曼及監製鍾澍佳在大牌檔吃煲仔飯及豬骨煲，相當貼地。相片中的超蓮穿着羽絨褸，捧着一大碗湯的她大啖大啖的飲，而他們則細心聽着阿佘說話，吃完更一行四人齊齊離開。阿佘與監製鍾澍佳現時正忙於拍攝無綫新劇《News新聞女王》，二人分別跟竇驍合作拍劇，阿佘3年前跟竇驍拍過《燕雲台》，而竇驍亦拍過4套鍾澍佳的劇集，故大家都相當熟落。阿佘接受東網獨家訪問時謂：「尋日佢哋嚟探我哋班，竇驍同監製好friend嘅，所以收咗工就一齊食飯，竇驍話好想食煲仔飯，所以我哋咪去咗一間好出名食煲仔飯舖頭食嘢囉！」鍾澍佳受訪時亦謂：「竇驍同超蓮大婚有請我同阿佘去，私底下大家都熟，尋晚佢哋嚟探班，之後收工咪大家去食飯囉！（你同阿佘趕拍緊咪去唔到？）我哋應該去唔到呀！非常唔好意思，恭喜佢哋！」一行四人齊齊歎地道小菜。食得好開心！打埋包？好有氣勢！阿佘因為拍劇，未必去到婚宴。何超莲窦骁佘诗曼
2023年4月4日 星期二
何超蓮竇驍世紀婚禮在即 佘詩曼帶準新人歎煲仔飯 #女神
