林子善與「隱形」小隊樂園慶生 愛女小乖乖送靚畫：好有意思 #女神

林子善與「隱形」小隊樂園慶生 愛女小乖乖送靚畫：好有意思

林子善與「隱形」小隊樂園慶生 愛女小乖乖送靚畫：好有意思無綫劇集《隱形戰隊》今晚（14日）播出大結局，林子善所飾演的喬帶囡（女女），最後能否跟Shadow（劉佩玥 飾）有情人終成眷屬？今晚揭曉！他憑劇中「喊包」特徵令觀眾留下深刻印象，近日馬不停蹄與陳山聰、馬國明、唐詩詠、劉佩玥等人密密做宣傳。本月13日是林子善的41歲生日，趁著大日子，他帶同妻女一起去海洋公園歡度假期，陳山聰、劉佩玥加入一齊玩。而3歲女兒林以晴以圖畫作為禮物，「爸Boo」甜入心大讚乖女。林子善先跟太太、女兒在酒店Staycation，翌日才跟「隱形」小隊集合去樂園玩。兩位「暖男爸爸」林子善和陳山聰趁著假期帶同仔女遊玩。林子善與太太穿上情侶裝出發，過了一個甜蜜又溫馨的家庭日。好拍檔劉佩玥亦有同行，幫手照顧小孩，拖著兩個小朋友周圍走。大人陪小朋友玩旋轉木馬又坐小火車，還塞進同一個纜車車廂，認真熱鬧。經過一天的「放電」，小朋友累極，離開樂園時，兩位慈父抱著小孩睡覺。林子善接受《晴報》訪問時表示，一家人加上朋友慶祝，十分開心，而小乖乖親手繪畫送給自己，意義重大；他收到禮物時甜入心，決定要好好收藏這份禮物，稱︰「阿女第一次畫得咁靚，平時嗰啲亂嚟一啲，太太Kary話一朝早，就捉住佢手仔寫字畀我，呢份禮物好有意思。太太都讚阿女識得自己分配顏色去油，而且上色上得咁好，真係大個豬喇！」而連日來出席活動時，同事們都有預先為林子善慶祝，「好妹妹」唐詩詠和《隱形戰隊》的好拍檔食飯又切蛋糕。其實以往生日，林子善隨意地過，說︰「平時慣咗開工搵錢，我覺得工作比自己生日更加緊要，而且我唔想影響拍攝進度。同屋企人去樂園玩都唔係特登放假，早兩日知道唔使開工就諗節目，其實係補償小乖乖之前生日嘅節目，只係順便慶祝埋我生日，反而有啲屋企人就約唔切。」林子善唐诗咏陈山聪刘佩玥