獎門人開心消費感謝祭｜金剛再現獎門人出手「慰勞」 開心感謝價＄1搶手機平板 #女神

獎門人開心消費感謝祭｜金剛再現獎門人出手「慰勞」 開心感謝價＄1搶手機平板

獎門人開心消費感謝祭｜金剛再現獎門人出手「慰勞」 開心感謝價＄1搶手機平板新一期消費券正式發放，TVB推出特備節目《鄰住買特約：獎門人開心消費感謝祭》，順道推介超抵買貨品，呢集除咗有「獎門人」曾志偉帶領「獎老」 錢嘉樂 阮兆祥 麥美恩 林秀怡 同 程浩駿 擔任主持外，仲有時隔6年再次回歸嘅金剛再次擔任「獎老」。而呢集嘉賓陣容就包括有「法言人隊」嘅 馬國明 林夏薇 張頴康 黃嘉樂 蔣祖曼 丁子朗 何依婷 容天佑 趙璧渝 同 朱滙林 ，同「請1日假去旅行隊」嘅 周奕瑋 戴祖儀 李芷晴 何沛珈 仲有 余思霆 對決。久未現身《獎門人》嘅金剛呢集成為焦點，玩「開心無敵傳紫菜」時， 獎門人志偉明顯益晒金剛狂派福利，安排佢同隊所有靚女輪流啜紫菜，當傳到余思霆時，表現遴遴迍迍啜極都啜唔到，錢嘉樂睇到眼冤話：「我覺得佢哋有啲曖昧！」之後金剛又遇上另一「劫難」，守尾門嘅麥美恩飛擒大咬，誇張到將金剛撲倒地上，令金剛傳出連番苦叫聲，認真陰功。啜完一Round後，獎門人再命令金剛再上陣，但係佢就頂唔順大嗌：「原來一個人真係唔可以娶太多老婆，真係會腳軟！」笑爆全場。而《法言人》總監製劉家豪同太太梅小青亦落場一齊玩，被馬國明同張頴康「夾擊」嘅小青姐，啜紫菜時怕醜到合埋雙眼，非常搞笑。至於「開心無敵以訛傳訛」同樣精彩，視帝馬明大晒好演技，其中扮演婦科醫生時，馬明一人分飾兩角，更瞓地扮大肚婆慘叫，精湛演出令隊友一睇即明， 獎門人都大讚演得精彩。到張頴康演繹「鴛鴦戲水」時，則因一個奇怪動作而令隊員估錯晒，丁子朗仲想入非非答出令人尷尬答案！去到最後嘅「開心無敵彈遮遮」環節，其中一條問題係估香港真正存在嘅地方名，答案有唔同「洲」，但係何沛珈聽畢竟答到：「我咩都唔記得喇，淨係記有個 叫……」佢驚人言論仲嚇窒全世界，獎門人即窒爆佢話：「你個腦淨係諗呢啲嘢，依家係問你地理喎！」節目完畢後，網購平台「鄰住買」將喺21:30起，陸續開售獎門人開心感謝價貨品，當中仲包括必搶嘅1蚊1部iPhone14同埋1蚊1部iPad等，顧客仲有機會參加大抽獎， 獎品總值高達100萬港元，大家記得睇完《獎門人》緊接齊齊搶喇。《獎門人開心消費感謝祭》星期日晚 20:30 翡翠台