沈震軒下月開健身室叫定女友做老闆娘加盟英皇發展演藝事業的沈震軒踏入兔年將迎接另一身份，投資7位數的健身室將3月中至尾開張，首嘗做老闆滋味。他稱為開健身至幾乎傾盡身家：「雖然銅鑼灣羅素街啲租真係好貴，但好在業主肯收疫情價。」他笑言最正是健身室樓下正是老闆楊受成的鐘錶行：「我得閒可以落去搲吓老闆。」而他已有一套長遠大計，希望業務擴展至健康餐廳及美容等：「我同拍檔好有信心，估計開張9個月就回到本。」沈震軒下月開健身室，公布未來大計。已稱呼女友陳欣妍為老闆娘。雖然女友陳欣妍未有投資，但沈震軒已直呼對方是老闆娘：「佢都會幫我做招牌，我哋兩個畀人感覺都係鍾意做運動。」講到結婚，他稱已有計劃：「盡量喺我做到嘅情況下畀驚喜佢囉，好多嘢要準備，但我都安排咗，都係呢1年發生，不過我好低調。（結咗婚先公布？）到時你咪知囉，5月我就40歲，係一個打拚嘅年紀，我覺得係個新開始。」女友亦愛運動。已有結婚大計。沈震轩
2023年2月5日 星期日
沈震軒下月開健身室叫定女友做老闆娘 #女神
