郭羨妮自小與愛寵為伴 狗狗離世未能送最後一程最傷心藝人郭羨妮（Sonija）與謝雪心今日（5日）到會展出席寵物活動。談到飼養貓狗，Sonija表示自己自5、6歲開始，已不停與牠們為伴：「起碼養過6隻狗，最高峰係3隻狗同1隻貓，大部分都係領養，或者朋友屋企寵物生咗，送畀我養。」她又指去年自己身在加拿大，家中愛犬辭世：「送唔到佢最後一程，到依家我都唔敢睇番佢啲片，我個女佢哋面對呢件事都好傷心。（仲夠膽繼續養？）會，佢哋10幾年嘅生命，一直等同屋企人咁，只要對得佢哋好就無憾，佢做得我嘅寵物，大家都係一種緣分。」她透露現時家中有一對貓：「女仔嗰隻畀我個女要咗，佢話係佢嘅，我就同佢講，你個女要啲乜乜乜，培養佢嘅責任感。（你做咗婆婆？）係，而男嗰隻就係我個仔，因為我冇生仔嘛。（幾時娶新抱？）冇，佢已經閹咗，對佢身體好啲嘛，佢喺我生日前後大病咗一場，好彩最後冇事咋。」談到未來工作安排，Sonija表示會客串演出馬浚偉新劇，加上目前已開關，相信稍後或會北上工作。郭羨妮（右）與謝雪心齊齊出席寵物活動。郭羨妮韶自小好鍾意養小動物。謝雪心都係愛犬之人。郭羡妮
2023年2月5日 星期日
郭羨妮自小與愛寵為伴 狗狗離世未能送最後一程最傷心 #女神
