【新劇拜神】 #女神

【新劇拜神】

【新劇拜神】張曦雯（Kelly）今日到將軍澳電視城出席TVB新劇《再見．枕邊人》拜神，她在劇中演馬德鐘女友，一副女強人打扮示人，Kelly透露角色如女強人，公私都表現得圓滑大方得體，但面對馬德鐘則是機心女人，有不少手段所以都有挑戰性。與黃智雯爭仔？她笑言：「兩個都爭！因為今次演一個好善良的後母，第一次演媽媽，但沒有個人經驗，就想像到我好愛自己的貓貓狗狗，因為貓狗都不是我生的，哈哈！」馬德鐘透露二人演夫妻，但智雯失憶後再回歸，笑指其角色有不少發揮，智雯笑言睇故事的確幾易做，因她也經常性失憶是做自己，而與馬德鐘是有距離感，但又有甜蜜兩方面。被問到今次可會搞笑演喜劇？馬德鐘稱不算搞笑，角色造型較獨特加上白頭髮，故事講他已放低智雯並與張曦雯拍拖，透露有懸疑和矛盾及不少秘密。羅天宇劇中飾演一名律師，因機緣巧合在印尼認識了失憶7年的黃智雯（Mandy）。看見Mandy身世可憐，因此幫助Mandy回到香港，尋找記憶。然後很快便遇見Mandy老公（馬德鐘），那時候天宇對Mandy已產生感情，所以劇中天宇坦言對馬德鐘是睇唔順眼: 「雖然我一路都睇佢唔順眼，但暫時睇劇本仲未有打佢，身形都有差距。不過人生第一次企木箱墊高自己拍戲，啲人都話呢個係自信箱，企完會增加自信，但我唔係囉，企完勁打擊自己。」羅天宇笑說，因為馬德鐘真的太高，就算墊高了也要抬起頭看著他拍戲，令到自己沒信心，「其實佢氣場真係好勁，又高又型，把聲又Man，真係出盡九牛二虎之力對抗佢。」