据香港东网报道：内地影星#孙俪#同老公#邓超#系圈中出名嘅模范夫妻，佢哋结婚10年肓有一对仔女，一家四口幸福美满！孙俪不时都会喺社交网分享凑小朋友点滴，讲到小朋友"起床气"问题，佢发文话近日7岁囡囡起身之后成日发脾气，佢教大家一个解决妙法，就系佢会喺嗌完小朋友起身之后，先去拉开窗帘，跟住再帮小朋友拍背脊、拍屁股，佢话："拍背本来就是提升阳气的，这样拍一拍没几分钟，他们就醒了，并且清醒得很愉快。"而小朋友起身之后觉得舒服，仲会向佢撒娇想继续拍，佢话如果有时间嘅话，仲会帮孩子揉吓肚仔添，认真廿四孝妈咪！
唔少网民都大赞孙俪系好有耐心嘅妈妈，仲赞佢呢个对付小朋友"起床气"嘅方法好使得，既悭时候又唔嘥力，仲可以增加亲子互动，促进家庭和谐，相当有效！但系有网民就话其实解决"起床气"嘅最佳方法都系瞓到自然醒喎！
2021年9月23日 星期四
据香港东网报道：内地影星… #香港 #娱乐
