跟发哥去行山︱邵美琪惊喜现身 状态唔输当家花旦
近年娱乐圈有项新兴活动，就系"跟住发哥去行山"，足证同周润发行山健康又开心之馀，最重要系可以同发哥打卡，放上社交网，几咁威呀！而吴岱融就系其中一分子，就晒出一班人跟发哥行山嘅相，除咗发哥、黄日华、吴岱融、卢海鹏等中坚分子外，更惊喜发现邵美琪系其中一员。
唔少网民都话邵美琪嘅出现充满惊喜，事关佢已有两年冇拍电视剧，三年冇电影作品上映，虽然日前同黎瑞恩一齐出席活动，但物以罕为贵，见佢同发哥行山咁识养生，网民都留言大赞邵美琪皮肤状态同气息好好，身材仲系十年如一日，绝对唔会输畀依家嘅当家花旦。
