被吴卓羲背叛！汤怡惨遭虐打休克：辛苦过生仔
入行15年的汤怡接受入行以来首次大突破，于主演英皇新片《致命24小时》惨遭虐打变"真．满身伤痕"，拍摄期间更一度休克，直言辛苦过生仔！戏中饱受"丈夫"吴卓羲的背叛，她有感而发表示："做女人唔知咁多就最好！"
汤怡今次演盲女，因丈夫的为利是图兼自私行径，遭仇家潘灿良绑架凌，她坦言："开工第一日返屋企落妆已经吓亲，因为面部微丝血管爆裂，手脚开始发瘀。我天生瘀伤难退，足足搞咗个几月，期间又唔想妈咪担心，返屋企就包到实。"拍重头戏时她"被虐"足足一星期，加上连场歇斯底里的演出，她坦言吃不消："每日开工入屋前就知道又要'被打'，挣扎兼狂嗌搞到试过有几吓迷迷糊糊，真系辛苦过生仔﹗早排终于完整咁睇返自己嘅演出，一幕幕回忆涌现，顿时爆喊。"
明白"女人最痛"
现实生活中拥美满家庭的她却明白"女人最痛"，有感而发表示："戏里面如果唔系有咁嘅老公，我就唔会有咁嘅遭遇。（试过遇上渣男未？）好彩冇，不过身边类似嘅遭遇大把，我觉得女人唔知就最好，发现咗点处理呢？揭穿心里面伤痕又点呢？"
被打者辛苦，原来打人者亦同样难受！首次挑战"武打戏"的潘灿良坦言："我真系唔忍心，每晚收工都同老婆（苏玉华）讲'我又打咗佢（汤怡）嘞！'多谢汤怡对我嘅信任，大家都唔想Take Two，每场戏都听到导演喺旁边'呐喊助威'，叫我出力啲，话唔够力！"他又要与吴卓羲肉搏，双方打到"爆枱"兼用刀仔争持，画面单是想像已相当暴力。
