相识廿几年首次合作 郭富城变哨牙仔小齐赞惊喜
影帝郭富城、任贤齐、林家栋等人，在葵涌货柜码头拍摄电影《临时械劫》，众人上演一场枪战戏份。其中城城和小齐一同受访，表示拍多场结尾枪战就差不多拍完，故圣诞可以放假。城城今次饰演贼王，笑言这几日拍摄特别冻："因为我啲衫薄啲，而且因为讲我本身系摔跤手运动员，所以成日露出心口。"
今次戏内有大量枪战，城城表示之前在庙街拍了一星期："我哋又枪战、撞车，要封街拍，好彩街坊冇投诉，都好难忘，咁大个都未试过喺庙街可以咁样拍。"而讲到之前东网影到城城有幕打斗戏被曾比特"拆祠堂"，他即谓："嗰幕讲佢想袭击我，我就摔低佢，系角度问题，我一啲事都冇。"
城城亦表示今次是首次与小齐合作："做歌手识咗20几年，但拍戏就第一次合作，家栋就第3次。"小齐亦笑言："之前成日同小美讲想同城城合作，今次终于有机会。"
两人又互赞与对方合作有火花，其中城城赞小齐有喜感，小齐亦谓城城戏中哨牙造型很惊喜："之前围读见到佢好似怪怪地，原来佢戴咗哨牙。"城城表示角色造型特别："哨牙系我提议，因为套戏系黑色幽默，都几突破，有时讲对白激动得滞仲会成副哨牙喷咗出嚟，要NG，而且亦有对'摔跤耳'，要特技化妆1小时。"而小齐之前为另一套戏要剃光头，今次就要戴上假发。
而讲到城城出席中环海滨的倒数演唱会，他表示不用拍其戏份就去排舞，继上年演出后，已有一年多没上舞台，故很兴奋，但讲到当晚与人气男团MIRROR打对台，他表示："大节日表演令观众开心，唔系打对台，香港需要新歌手，最紧要同心合力做好个骚，大家fans享受。"另外，提到王力宏近日与前妻李靓蕾的风波，两人即封嘴不提，小齐谓："唔好讲呢啲。"城城就谓："讲番电影。"然后就被工作人员拉走。
