《青春本我》今晚播 陈炜晒"全家福"为炎明熹打气
由一班《声梦传奇》学员担任主演的TVB新剧《青春本我》今晚（5日）首播，剧中角色由炎明熹（Gigi）、姚焯菲（Chantel）、锺柔美、詹天文、张驰豪、冼靖峰、何晋乐等人饰演，早前TVB于社交网公布一系列剧照，入面有炎明熹拍喊戏时嘅相片，泪珠大滴大滴咁流出，真系睇到心都实晒，导演李敏就话："佢真系喊到下巴都震晒架！"
除咗一班年轻演员，都有一班资深演员参渍，喺剧中饰演炎明熹父母的陈炜与姜皓文（黑仔），就喺社交网上载"一家人"合照为"女儿"打气，炎明熹于相中瞓着咗，未知系太累定系剧情需要，而陈炜就留言："#青春本我 今晚8点半，#支持GiGi# 乖巧懂事嘅女儿#唱歌实在太好听#同黑哥再续前缘"。
导演李敏透露正式开拍前，专诚抽空与每位演员独立会面，为他们度身打造角色："新人最好系做番自己；我哋另外亦有根据佢哋角色性格，个别设计唔同嘅心理状况畀佢哋。"李敏续指"女子组"角色需要处理较多喊戏，当中Gigi及Venus的喊戏带给她一定程度惊喜："Gigi除咗第一次喊得比较混乱，因为佢耷低咗个头喊，所以拍到嘅镜头好少！之后大家明白原来Gigi只要一听到音乐就会喊，所以我哋每次都有准备音乐，同埋知道佢第一、二个Take就会喊尽，所以我哋拍佢嘅喊戏要一嚟就嚟，佢真系喊到下巴都震晒㗎！"
说到剧中同学仔，李敏笑言由于17人当中，有15.5名完全没有演戏经验，甚至连半句对白也没说过，加上拍摄时间紧绌，故有修读心理辅导的李导演，开拍前亦难免有心理压力；为了令整件事更顺畅，她特意开夜车为众新人撰写一份名为"演技鸡精班"的备忘，为他们解说"排练的6个阶段"、"说对白六件要注意的事"、"需要明白的6个层次"、"关于镜头的6件事"以及"常犯的6个错误"等。
