星光熠熠｜Gin Lee睇好曾比特攞新人奖：佢有呢个实力同观众缘
《星光熠熠耀保良》昨晚（28/11）在红馆举行，Gin Lee（李幸倪）除了献唱新歌《IDK》外，也与师弟曾比特（Mike）合唱《日出时让街灯安睡》。Gin接受访问时，被问到这位乐坛新人在合唱时的表现，她笑说："冇得比较嘅，永远都冇人可以取代到'歌神'（张学友）嘅位置。但係我觉得Mike好有实力，佢係我今年好锺意嘅一位新人，因为佢好乖、有礼貌、勤力。我睇好佢，希望佢继续畀心机，保持好学同谦卑嘅心态。（睇好佢攞新人奖？）我希望佢攞㗎！佢有呢个实力，同埋有观众缘。"
同场还有炎明熹（Gigi）、姚焯菲（Chantel）、锺柔美（Yumi）和詹天文（Windy）首度以女团After Class名义同台献唱，不过Gin因为要准备表演，未有留意她们表现。她指现时看到《声梦传奇》学员忙于筹备新歌、拍剧，甚至开始出道成为歌手，除了兴奋，也会开始替她们感到担忧："见到佢哋有咁多曝光，有好多工作，我好戥佢哋开心，但係同一时间我会好担心佢哋，成日会谂佢哋要返学，学业会点呢？够唔够休息呢？但係我都做唔到啲咩啦，唯有见到佢哋就同佢哋打气，如果佢哋有咩要搵人倾诉，随时搵我。"
至于今个星期Gin凭《IDK》登上商台，她指前日从同事口中得知结果后感到开心，又坦言这次为表演新歌，不但悉心打扮，更花了不少时间练舞："我第一次喺现场跳唱呢首歌，为咗今次表演同呢首歌，我练咗几个礼拜舞，每日放工无论几多点都好，我都去排舞，或者返工前好早就去排，每日都係咁。我唔係由细就跳舞，我要喺最短嘅时间跳得最好，呢段时间好畀心机做呢样嘢，知道大家锺意呢首歌同表演，就会係我最大嘅肯定同鼓舞。"
