夺冠秘密︱宋宛颖晚上6点后唔食嘢 丧操终极人鱼线
应届香港小姐冠军宋宛颖（Sabina）身形Fit爆，除了遗传妈妈优良基因，亦靠后天努力。为保持纤瘦身形，除了每日做运动，更会戒糖及晚上6时后不进食，直言要靓就要负出代价。
Sabina来自选美世家，但Fit爆身形也要靠后天不断努力，原来选美前她已跟私人健身教练Kelvin Ng进行特训，成就今次夺冠。选美期间减去15磅，体脂也下降不少的她说："一向有做GYM，但系希望有完美身材，所以选美嗰阵跟教练密集训练。本身手臂肌肉好少，做GYM后多咗肌肉，有力好多。终极目标想就想人鱼线、马甲线都拥有，不过，都要练多一段时间。"
拥有靓身形自然要付出代价，宋宛颖透露基本上是日日锻炼身体，她说： "唔得闲去GYM都会喺屋企做Work Out，要靓就要付出代价。"至于，日常饮食她会尽量少吃糖，她说："自己会尽量少食碳水化合物，食太多糖唔系咁好，所以都少食白饭，食多啲菜、蛋白质，一日食2至3餐，同埋会控制饮食时间，都有用"168断食法"，通常6点后就唔食嘢。自己发觉如果嗰日冇食糖分，就好似唔会肚饿，但系食咗一啖饭，就好似全日都好肚饿。"她又觉得戒糖后明显精神、皮肤也比以前好。
减肥是女人的终身事业，对减磅戒口她并不觉得好辛苦，她说："反而好开心身体机进入一个健康嘅状态，减肥好女仔终身事业，又可以健康、又可以靓。自己觉得系愈战愈勇，因为睇到成绩，就好有动力继续努力。"
场地：POW Fitness 24
