劇情講到三寶(張頴康飾)替大寶(歐陽震華飾)解決咗同前女友的問題，大寶心情大好，買咗一大堆貴價食物請大家打邊爐。佢講到有飛驒和牛、新鮮鮑魚以及一堆靚海鮮，屋企打邊爐嚟講真係好豪喎！
大家都知道大台製作出名是是旦旦，以往有打邊爐或者BBQ情節，都係隨便放幾碟喺度做嚇樣。但今次有啲唔同，火鍋料真係放滿成檯，清楚見到有蝦有鮑魚有桶蠔，唔怪得未有對白的演員都真係密密食！(除咗角色因為失戀而無胃口的張彥博) 唔知呢場戲算唔算係TVB史上最豪的邊爐？
小編至愛的炸響鈴都有，正呀！如果配番個麻辣湯底就very good啦。
歐陽Bobby身形有番咁上下，都知佢係個識食之人！話說胡定欣拎住唔少朋友打邊爐都鍾意加的沙茶醬，但Bobby就表示沙茶醬味濃，會蓋過新鮮材料的鮮味，所以話要加秘製泰國魚露先啱！大家下次打邊爐可以試試喎。
大家應該仲記得早前處境劇《愛．回家之八時入席》中，忽然有咪神張秀文著性。感泳衣客串，令大家非常驚喜！而《一屋老友記》都唔執輸，今集有34E咪神陳偉琪飾演阿花(呂慧儀飾)的死對頭Vicky。話說阿花在傢俱店睇中一張椅子，Vicky死都要同佢爭，但椅子只剩一張！點收科？
咪神Vicky客串就當然要曬嚇本錢啦，佢本來已經著住低胸衫狂騷事業線，之後同長腳蟹鬧交時更揭開外衣講一句︰「慘得過我事業心重呀！」咁又真係幾重嘅……
之後Vicky男朋友Dickson(趙永洪飾)出現，同Vicky不停BB前BB後，真係睇到人眼冤。不過小編就留意到，趙永洪全程對話都冇望過Vicky一眼，因為佢對眼一直都係望住Vicky心口……
原來劇中Dickson同阿花係前度情人，Dickson仲寸爆咁話阿花肥咗好多，差啲唔認得佢。不過去到最後，趙永洪都係繼續望實Vicky條事業線。寓工作於娛樂，佢就好啦！
[热门文章] 亚航十大漂亮性感空姐美媚,美晕了！
